• 1

Соопштенија

  • Пријава за митровденски средби 2026 година +

    Линк за симнување на пријавата Прочитај повеќе
  • ОДЛУКА за избор на работници по објавен оглас за вработување на неопределено време бр.01/2026 од 11.05.2026 година +

    ОДЛУКА за избор на работници… Прочитај повеќе
  • ЈАВЕН ОГЛАС ЗА ВРАБОТУВАЊЕ НА НЕОПРЕДЕЛЕНО ВРЕМЕ БР. 01/2026 +

    ЈАВЕН ОГЛАС ЗА ВРАБОТУВАЊЕ НА НЕОПРЕДЕЛЕНО ВРЕМЕ БР. 01/2026 ЈАВЕН ОГЛАС ЗА ВРАБОТУВАЊЕ НА… Прочитај повеќе
  • ИЗВЕСТУВАЊЕ +

    ИЗВЕСТУВАЊЕ Почитувани корисници, Ве информираме дека… Прочитај повеќе
  • Јавен оглас БР.02/2025 за вработување на неопределено работно време +

    Во прилог го имате целиот… Прочитај повеќе
  • 1
  • 2
  • 3
  • 4
  • 5
› ‹

70 посетители учествуваа во проектот за бесплатен курс по француски јазик кој се споведе во тек на два месеца.Најголемиот дел од посетителите беа деца и ова им беше прв контакт со францускиот јазик:

- Ја учевме азбуката, броевите, боите, значи сé она што опфаќа основно ниво А1, појасни Марина Рамбабова, наставник по француски јазок.

franc1

Дел од посетителите беа взрасни луѓе кои после многу време повторно му се враќаат на францускиот јазик:

- По 30 години, откако зваршив училиште првпат учам француски. Ќерките ми се во Швајцарија, во француски кантон и тоа ми е мотивот, рече Трајче Џамбазовски, посетител на курсот.

Сево ова е дел од напорите на франкофоните повторно да се врати интересот за франкофонијата во Штип, кој не толку одамна беше исклучително голем:

- Веруваме дека направивме нешто добро и дека ќе ги поттикнеме младите и понатаму да го изучуваат францускиот јазик, кажа Викторија Каранфилова Китанова, наставник по француски јазик.

franc12

Домаќин и организатор на курсевите беше штипската библиотека:

- Се надеваме дека и од септември ќе има некакви активности и дека ќе ја возобновиме француската читална, изјави Милена Ристова Михајловска, дир. на НУБ “Г.Делчев“ – Штип.

Инаку, францускиот јазик е втор по употреба , по англискиот. Тој се зборува во 52 држави во светот и е мајчин јазик на 77 милиони луѓе, а 192 милиони него го зборуваат како странски јазик.

Персоналната библиографија на Душко Цацков, која опфаќа голем дел од македонската историографија, беше промовирана во штипската библиотека.

- Човек кој многу допринел кон овој град, човек кој е благајна на културната меморија, како што вели рецензентот Венко Андоновски, човек на кој Штип му должи многу, а и ние како библиотека. Во чест на 80 години од неговиот живот и неговото богато културно творештво, денеска ја промовиравме оваа библиографија, изјави Вилма Јованова, ко-уредник на библиографијата.

Некогашен студент на професорот Цацков, сега е еден од уредниците на библиографијата.

- Големо задоволство ми е што можам и што учествувам во составувањето и реализирањето на овој проект, библиографијата на Проф. Др. Душко Цацков, бидејќи јас сум еден од неговите студенти. За мене е еден од најеминентните професори и декан на педагошкиот факултет. Тој има многу книги, многу стручни книги, бидејќи предаваше Литература за деца, изјави Сашко Неделков, ко-уредник на библиографијата.

cacko2

Сепак, како што вели професорот Цацков, највредно богатство е она духовното.

- Најтрајното богатство не е само физичкото, туку и духовното. Творците тоа најдобро го знаат. Тоа богатство е најтрајно и засекогаш останува, изјави Проф. Др. Душко Цацков.

Оваа библиографија доаѓа со низа други библиографии од оваа и минатата година, кои доаѓаат после десет години од недостаток на објавување на ваква литература. После библиографијата на Душко Цацков, веќе во петок ќе има биде објавена и втората за оваа година.

cacko3

- Навистина сме горди бидејќи со ова се случува едно реактивирање на библиографскиот центар, како што веќе знаете, Советот на општина Штип и градоначалникот, поддржаа издавање на две библиографии, оваа на Проф. Др. Душко Цацков и на др. Методи Чепреганов, изјави Милена Ристова Михајловска, дир. на НУ-УБ „Гоце Делчев“ Штип.

Она што е во план на библиотеката месецов е да аплицира со проект до министерството за култура, за креирање на второ издание на овие библиографии, бидејќи првичниот тираж е мал, а важноста на оваа литература е од особено значење за Штип и Македонија.

Персоналната библиографија за д-р Метод Чепреганов беше промовирана од страна на НУ-УБ „Гоце Делчев“. На овој начин, Штип се оддолжува за големиот придонес кој тој го дал во делот на медицината, особено во неврологијата.Книгата има 180 страници, во кои се содржани 260 библиографски единици:

- Во библиографијата се сместени 30 монографски публикации, потоа статии или составни делови од сериски публикации кои професорот ги објавува, кажа Жаклина Петрушева, НУ УБ „Гоце Делчев“ Штип.

metodi4

Освен ова, Чепреганов е добитник и на престижни награди на Балканско и светско ниво. Една од нив е наградата за енциклопедијата на француски јазик, во која 60-те страни посветени на епилепсијата се напишани од него:

- Второто издание од таа енциклопедија доби една од најпрестижните награди на ниво на Европа, се вика „Herman Fischgold“. Тоа е награда за врвно стручно дело кое е рамно за стручни дела на Нобелова награда, истакна Методи Чепреганов, невролгог – епилептолог.

metodi1

Изавач на библиографијата за Чепрегано е штипската библиотека.

Една ПРВА и една ВТОРА НАГРАДА за две млади штипски авторки и читателки од Библиотеката.На манифестацијата ,,Пролет, љубов, смеа" во Св. Николе, во силна конкуренција, две наши солидни млади авторки и читателки, освоија награди.

nagrada1


Со ПРВА НАГРАДА во категоријата ,,Младинци" се закити младата и квалитетна поетеса, Рената Пенчова, ученичка во СОУ Гимназија ,,Славчо Стојменски".ВТОРА награда меѓу помладите, освои поетесата Матеја, ученичка во ООУ ,,Славејко Арсов".

nagrada3

И двете поетеси се наши редовни читателки, активни учеснички во сите конкурси, соработнички, така што според тие критериуми, од страна на НУ-УБ „Гоце Делчев“ - Штип беа предложени за учество во двете категории во рамки на оваа долгогодишна, успешна и меѓуопштинска манифестација во која земаат учество многу поети од земјава.

nagrada4


Рената и Матеја учествуваа на манифестацијата под менторство на библиотекарките, Жаклина Петрушева и Ирена Јорданова, а со комплетна поддршка и од нивните предметни професорки, Милкица Миленковиќ и Весна Ристова и директорите на нивните училишта.
Манифестацијата се организира во склоп на проектните активности на Дом на култура ,,Крсте Петков Мисирков" и Библиотеката во Св. Николе, а под раководство на директорката, Валентина Алексова, и раководителката на Библиотеката, Елизабета Коцева.

Одржани првите три креативни работилници по повод Велигден.Креативна велигденска работилница во Инфо-бусот под мотото ,,Кој како мал чита, како голем размислува" со ученици од ОOУ ,,Страшо Пинџур" од Карбинци, с.Таринци и с. Караорман.

rabotiln2

rabotiln3