Почетна

Во рамките на „Штипско културно лето 2017“, претставени изданијата на штипската библиотека.

Во рамките на „Штипско културно лето 2017“, претставени изданијата на штипската библиотека.За три години, штипската библиотека „Гоце Делчев“ издала 15-тина книги. Меѓу нив, се персоналните библиографии за Цацков и Чепреганов, Азбучникот на старата книжевност, како и книга посветена на Словенската писменост во Македонија :

- Овие публикации се издадени со помош на Министерството за култура на Република Македонија, а дел од нив се финансирани од општина Штип, изјави Жаклина Петрушева, библиотекар.

Меѓу најновите изданија од оваа година се и двете книги на младата Рената Пенчова, стихозбирката „Осцилации“ и романот „Патот до метаморфоза“ :

- Стихозбирката ја подготвував неколку месеци, а темата е љубовта. Во романот станува збор за мигрантите, односно бегалнците од Сирија коишто го минуваат низ Македонија, објасни Рената Пенчова, автор.

Двете книги на Пенчова беа промовирани следниот ден во 21 часот во штипската библиотека.Инаку, најновите изданија на библиотеката, беа промовирани пред младата читателска публика.

Остварена работна посета во Ќустендил, Р. Бугарија

Остварена работна посета во Ќустендил, Р. Бугарија.Делегација од НУ-УБ ,,Гоце Делчев" - Штип оствари работна посета на установите од областа на културата во град Ќустендил, Р. Бугарија.Воедно, беше и склучен Меморандум за соработка и разбирање меѓу Читалиштето ,,Братство" - Ќустендил, Р Бугарија и НУ-УБ ,,Гоце Делчев" - Штип, Р. Македонија, а како потписници се јавија директорката на НУ-УБ ,,Гоце Делчев" - Штип, д-р Милена Ристова-Михајловска, и претседателот на Читалиштето, г. Иван Андонов.

Претставниците од Библиотеката имаа средба и со раководителката и библиотекарите во Регионалната библиотека ,,Емануел Поп Димитров" во Ќустендил, а ја посетија и библиотеката во Читалиштето ,,Пробуда".

Инаку, склучениот Меморандум е основа за изготвување и реализација на заеднички проекти од областа на културата.Делегацијата од Штип ја посети и куќата на Доне Тошев - Дончо Штипјанчето, каде стои спомен - плоча, а оствари и лична средба со еден од неговите потомци.

По втор пат, „Бесплатна летна школа“ си поддршка на Министерството за култура на Р.М

По втор пат, за време на летниот период следи бесплатната ЛЕТНА ШКОЛА во Библиотеката која е насловена ,,Библио-арт 2017". Истата ќе се спроведе од 10 до 21 јули 2017.

Пријавувањето е до 7 јули 2017 и настанот е во соработка со Американско катче - Штип, „Едуинфо медиа" и Академија ,,Еуроарт" а е поддржан од Министерство за култура на Р. М. и Општина Штип.

Посетителите ќе имаат можност да дознаат нешто повеќе за литературата, да учествуваат во поетско читање, часови по нивинарство и односи со јавност, уметност, музика и театар. Минатата година летната школа ја посетија околу 50 лица.

По 40 години, со поддршка на Министерството за култура, нови ПВЦ прозори во библиотеката

По повеќе од 40 години, заменета е ПВЦ столаријата во библиотеката. Речиси четири децении, се чекаше на оваа обнова со што се овозможи и зачувување на зградата на библиотеката. Проектот за замена на прозорците е поддржан од Министерството за култура кое пронајде средства но и покажа разбирање за потребата за замена на ПВЦ столаријата.

Прозорците се заменети на долниот кат, како и во големата сала која служи за промоции и настани од областа на книжевната дејност и културата.