На 18.11.2022г.се реализираа активностите од програмата за одбележување на Светскиот ден на жртви од сообраќајни незгоди

, се со цел подигање на свеста кај сите учесници во сообраќајот и разбудување на добрите сообраќајни навики.

 

Позитивните навики се формираат од мала возраст, по токму поради тоа со учениците од основните училишта се одржа „Марш за поголема безбедност на патиштата“, се пуштија балони во знак на сеќавање на сите жртви и се делеа флаери пред ООУ „Ванчо Прке“, по што во библиотеката се одржа културна програма. Беа изложени цртежи од ученици кои преку ликовната уметност упатија пораки а се одржа и литературно читање на лични творби и од литературата поврзани со настанот. Со песната Ода на радоста, настанот го започнаа ученици од хорот при гимназијата „Славчо Стопјменски“, под менторство на проф. Дејан.

 

Настанот се реализира во соработка со Секторот за превенција при СВР-Штип и свое обраќање имаше инспекторот за превенција во сообраќајот, Баже Милев.

Библиотеките не само што се чувари на историјата и храмови на мудруста, тие се активни учесници во општествената заедница и со вакви активности даваат свој придонес во надминување на некои состојби на подобро а секако со едукацијата и превенцијата се многу битна алка.