Под мотото "Читаме македонски автори" и како резултат на отвореноста за соработка од страна на училишната библиотека при ООУ"Никола Карев"од Кочани и посветената библиотекарка Љупка Стоименова
имавме прекрасно книжевно дружење со осмоодделенците и третоодделенците на која зборувавме за важноста на библиотеките, книгите, читањето во нивнивниот раст и развој и градење на добри личности.
Од страна на проф.д-р Милена Ристова Михајловска беа преставени книги од млади автори во издание на Академија "Еуроарт" но и редовни читатели во библиотеката и учесници на литературни конкурси.
Беа преставени книгите "Изворот на мојата душа" од Ване Дериволов, "Запознавање" од Анастасија Атанасова и сликовницата "Василие и Дедо Мраз" раскажана од малиот Војдан а запишано од неговата мајка Милена.
Учениците оваа книжевно случување го проследија со голем интерес и внимание и љубопитност.
Ваквите институционални соработки кои се во насока за потикнување на навиките за почеста дружба со книгите а со тоа и на читањето, како библиотека ќе продолжиме да ги иницираме и реализираме и понатаму.
Како библиотека им подаривме и скромен број на книги за нивната училишна библиотека а за добрата и плодна соработка од училиштето добивме Благодарница.
