Подобрување на услугите на библиотеката како резултат на согледување на потребите на корисниците беше причина нашата Библиотека да организира еднодневна обука на библиотекарите: „Креирање прашалници за истражување на потребите на корисниците “.
Предавач беше Проф. д-р Ирена Китанова, професор од ФОН, УГД Штип, овозможувајќи стручни насоки од областа на истражување, алатки и методика со цел добивање релевантни податоци. Покрај прикажаните светски искуства, библиотекарите од Штип, Кочани, Кавадарци, Свети Николе и Скопје споделија свои активности, искуства и реализирани проекти поврзани со темата.
Обуката се одржа на 13.11.2024г. во просториите на НУ У Библиотека „Гоце Делчев“ Штип и е во склоп на проектот „Истражување на потребите на корисниците на Библиотеката“, финансиран од Министерството за култура.
