На ден 06.10.2023г, Библиотеката во соработка со библиотеката „Бора Станковиќ“ и Здружението на мкедонските граѓани „Гоце Делчев“ од Врање, Р.Србија го реализираше книжевниот-уметнички перформанс со наслов „Книгата - мост на пријателство“.
Настанот се одржа во просториите на Здружението на што претходеше посета и на библиотеката и запознавање со начинот и организацијата на нивното работење, затоа што размената на искуства се многу важни во развојот на библиотекарството како дејност.
На перформансот со музички точки учествуваа ученици од ДМУЦ „Сергеј Михајлов“, кои се преставија со изворни македонски песна и ора и тоа Ана Настова - викал, Илија Делов-кавал, Антонио Трајковски-тамбура и Славе Тренчовски - тапан и Маша Николиќ со изведба на композиција на флејта, ученичка од музичкото училиште во Врање.
Во годината гога славиме 100 години од раѓањето на Ацо Шопов, настанот со читање на негова поезија го збогати ученичката Маја Стојанова во втора година од СОУ „Славчо Стојменски“- Штип.
ЦПЛИП „Порака“од Штип се преставија со изложбата на Верче Андонова, цртежи во арапска техника и со настап на членовите на тема „Дискриминација“ а Игор Ќорпашев со изведба на песна од Тоше Проевски ги разбранува чувствата на сите присутни.
Настанот е дел од Годишната програма за работа на библиотеката, подржан од Министерството за култура на Р.С.М. со кој повторно докажавме сите сме еднакви и дека уметноста не познава граници и пречки, туку напротив таа обединува и поврзува.
