Денес го одбележуваме 5 Мај- Денот на македонскиот јазик

, за да му оддадеме почит на минатото и да покажеме дека го знаеме и го цениме. Исто така, и за да се обврземе кон иднината – дека тоа што ни е дадено со традицијата и со кодификацијата треба да го чуваме, да го негуваме, и да го афирмираме но и да го развиваме – за да може македонскиот јазик и понатаму да остане убав и наш – на него да пееме, да твориме и да живееме. Како дел од настанот е поставена изложба на книги со раритетна вредност од 18 и 19 век во сопственост на нашата Библиотека. Настанот го збогатија со свои изведби и обраќања ученици и наставници од СОУ „Јане Сандански“, СОУ „Славчо Стојменски“ од Штип и од ООУ „Мануш Турновски“ од Струмица како и Градски хор Штип 2019.