Во рамките на „Штипско културно лето 2017“, претставени изданијата на штипската библиотека.За три години, штипската библиотека „Гоце Делчев“ издала 15-тина книги. Меѓу нив, се персоналните библиографии за Цацков и Чепреганов, Азбучникот на старата книжевност, како и книга посветена на Словенската писменост во Македонија :
- Овие публикации се издадени со помош на Министерството за култура на Република Македонија, а дел од нив се финансирани од општина Штип, изјави Жаклина Петрушева, библиотекар.

Меѓу најновите изданија од оваа година се и двете книги на младата Рената Пенчова, стихозбирката „Осцилации“ и романот „Патот до метаморфоза“ :
- Стихозбирката ја подготвував неколку месеци, а темата е љубовта. Во романот станува збор за мигрантите, односно бегалнците од Сирија коишто го минуваат низ Македонија, објасни Рената Пенчова, автор.

Двете книги на Пенчова беа промовирани следниот ден во 21 часот во штипската библиотека.Инаку, најновите изданија на библиотеката, беа промовирани пред младата читателска публика.
По втор пат, за време на летниот период следи бесплатната ЛЕТНА ШКОЛА во Библиотеката која е насловена ,,Библио-арт 2017". Истата ќе се спроведе од 10 до 21 јули 2017.
Пријавувањето е до 7 јули 2017 и настанот е во соработка со Американско катче - Штип, „Едуинфо медиа" и Академија ,,Еуроарт" а е поддржан од Министерство за култура на Р. М. и Општина Штип.

Посетителите ќе имаат можност да дознаат нешто повеќе за литературата, да учествуваат во поетско читање, часови по нивинарство и односи со јавност, уметност, музика и театар. Минатата година летната школа ја посетија околу 50 лица.
По повеќе од 40 години, заменета е ПВЦ столаријата во библиотеката. Речиси четири децении, се чекаше на оваа обнова со што се овозможи и зачувување на зградата на библиотеката. Проектот за замена на прозорците е поддржан од Министерството за култура кое пронајде средства но и покажа разбирање за потребата за замена на ПВЦ столаријата.

Прозорците се заменети на долниот кат, како и во големата сала која служи за промоции и настани од областа на книжевната дејност и културата.

Обука за користење на програмската поддршка COBISS3/Преземање записи и фонд.Седуммина претставници од НУ-УБ ,,Гоце Делчев" - Штип се на тродневна обука во Центарот за обука во НУБ ,,Св. Климент Охридски" во Скопје.Тродневната обука ги зајакна капацитетите на вработените од штипската библиотека во смисла на нивно понатамошно уште постручно преземање и креирање записи.
Обуката траешe три дена и се одвиваше во деновите среда, четврток и петок (26, 27 и 28 април 2017 год.)Обучувач првиот ден е Жаклина Ѓалевска. Воедно, обучувач на ваквите обуки е и Јелисавета Костадинова.

Во НУ-УБ ,,Гоце Делчев" - Штип активно работат четворица каталогизатори со стекнати голем број лиценци.Библиотекарите, кои ја посетуваат оваа тродневна обука и се стекнаа со компетенции за работа во надградената електронска платформа COBISS 3.
Обуката за библиотекари е финансирана од Министерството за култура на Р. М.На обуката присуствуваат и библиотекари од Делчево, Тетово и други.
Делегација на општина Штип престојуваше во градот Ѓонѓош во Унгарија, при што во неа беше и директорката на Ну-УБ „Гоце Делчев“, д-р Милена Ристова Михајловска.При посетата, посетена беше и библиотеката во градот при што е разговарано з аможната соработка и за воспоставување на врски меѓу двете институции.

Една од темите на разговор со тамошниот директор беше и учество во заеднички проекти преку фондовите на ЕУ што би биле искористени за подобрување на инфраструктурата во двете библиотеки. Исто така беше посетена и библиотеката на монасите каде се чуваат ретки книги.
