По 20 години, се прави попис на книгите во штипската библиотека. За ревизија, овдешните вработени имаат пет одделенија, а истата ќе ја вршат парцијално, наместо додека работат инстутуцијата да ја стават под клуч.
„Со иницијатива на директорката го започнавме пописот. Досега се завршени роднокрајното одделение и депозитниот дел“, кажа Сашко Неделков, библиотекар.
Од денес, вработените во штипската библиотека започнаа со попишување на книгите од детско одделение :
„Додека трае пописот, во наредните 10 дена, ќе може да се враќаат книгите во детско одделение, но нема да може да се земаат“, истакна Неделков.
Инаку, во штипската билиотека има околу 450.000 монографии по список, но колку реално од нив се по рафтовите ќе се знае по завршување на ревизијата.
