На ден 14.12.2023г во соработка со ЈОУБиблиотека "Тане Георгиевски"‐Куманово, одржавме уште книжевен настан пред тамошната публика на кој имаа можност да се запознаат изворно за активностите и целите на проектот "Денови на Шопов" и за почетоците и значењето на Роднокрајното одделение кое со гордост го носи неговото име.
Проф д-р Јованка Денкова даде стручен осврт за неговиот лик и дело.
Антонела Митева како позитивен пример како Шопов ги инспирира младите, интерпретираше стихови од неговата поезија и ја престави нејзината презентација за животот и творештвото на Шопов.
Настанот го збогатија и ученици од средно образование со преубавите интерпретации на песни од поезијата на Шопов и од излагањата на нивните професори бевме пријатно изненадени од почита со која го одбележуваат и негуваат неговиот лик и дело.
Искрена благодарност на директорката Христина Алексовска и сите вработени за соработката и топлиот прием.