На 30.03.2022г во пресрет на 2 Април - Светскиот ден на литературата за деца, во библиотеката се одржа книжевна работилница со ученици од посебните паралелки при ООУ „Ванчо Прке“- Штип.
Се запознаа со работата на библиотеката и дека таа е отворена за секој кој сака да се дружи со книгата, за богатиот фонд на литература за деца, за преубавите книги кои ги имаме за нив и кои секако го привлекоа нивното внимание. За полесно совладување на содржината која ја разработувавме на тема „Пролет“, имаа можност да проследат аудиовизулен текст „Ета и облеката на природата“. Работилницата ја закруживме со боење на пролетно дрво и дружбата ја завршивме со убава песна и забава.
Со оваа работилница започна и реализацијата на Проектот „Инклузивно училиште- инклузивна Библиотека за децата со посебни потреби“,од Годишната програма за работа финансиски подржан од страна на Министерството за култура на Р.С.М. и има за цел поголема инклузија на оваа целна група во Библиотеката и полесно совладување на лектирските и книжевните содржини.