Месец на книгата од 15.10. до 15.11. 2021г. библиотеката со низа активности за нејзина

афирмација, популаризација, доближување до читателите, поттикнување на читањето и почеста посета на библиотеките под мотото „Читај книга-момент на среќа“.

Ваквите позитивни навики се формираат од најмала возраст. Затоа започнавме со најмалите и на 21.10.2021г одржавме работилница со деца од две големи групи во ЈОУДГ „Вера Циривири Трена“- клон Другарче и поради заштита на здравјето на сите активноста ја реализиравме на отворено во дворот на градинката.

Разговаравме за нивни омилени сликовници, ликови, читавме и научивме за патот книгата додека стаса во нивните рачиња. Потоа имаа можност да уживаат во убавите „Приказни од куќичката на дрво“ кои им ги прочитавме од детскиот писател Киро Донев и за крај добија наставни ливчиња со нивни омилени ликови и имаа задача истите да ги обојат. Им подаривме и по една сликовинца со едукативни содржини да ги користат во нивната градинка.