,,Покрај можноста да позајмуваат книги, со најмладите читатели денес имавме интересна работилница и читање, користејќи ги програмските содржини од списанието за деца СМЕШКО. Воедно, на сите учесници на работилницата, им подаривме по еден број од Списанието", рече Олга Давчева, библиотекарка во Инфобусот.
Заедно со книгите и Инфобусот, беше присутна и медицинска сестра која им го мереше крвниот притисок на повозрасните жители. Во договор со нив, првиот понеделник од месец јули е веќе резервиран за книжевна активност, пропратена со мерење на притисок и шеќер на жителите од нас. Балканска.
,,Ова е дел од низата активности во рамки на проектот ,Со добра книга и медицинска грижа, до подобро здравје' ", истакна Соња Манева, одговорна за проектот.
Поетесата Цвета Спасикова, пак, им читаше поетски творби на повозрасните присутни, а притоа секому подари по една од нејзините книги.
