• 1

Соопштенија

  • Нашата агенда - на ваше информирање +

    Нашата агенда - на ваше информирање Ве очекуваме и во Детското Прочитај повеќе
  • Повелете утре на концерт на Градскиот хор во Амфитеатарот на Библиотеката +

    Повелете утре на концерт на Градскиот хор во Амфитеатарот на Библиотеката 18.07.2016 (понеделник) во 21:00 ч. Прочитај повеќе
  • Промоција на Библиографија за 30 години - творештво на Трајче Кацаров со 30 љубовни ,,Песни за Таја" +

    Промоција на Библиографија за 30 години - творештво на Трајче Кацаров со 30 љубовни ,,Песни за Таја Утревечер, 14.07.2016 год., 21:00 ч., Прочитај повеќе
  • Прес конференција по повод почетокот на „Бесплатната летна школа“ на библиотеката +

    Прес конференција по повод почетокот на „Бесплатната летна школа“ на библиотеката НУ-УБиблиотека „Гоце Делчев“ од денес Прочитај повеќе
  • Купи книга....сончај се, читај и уживај! Лето 2018! +

    Купи книга.... сончај се, читај Прочитај повеќе
  • 1
  • 2

Штипската библиотека успешно се претстави на Саемот на книга во Скопје, или подобро кажано беше тоа репрезентативна промоција на штипската библиотека на Саемот. Штипјани, имаа богата и мултимедијална промоција преку која ја презентираа својата досегашна работа:


- Со модна ревија, изложба, афирмација на штипски поети, работилници во детското катче, презентација на Форум на библиотеки, сопствен штанд со издавачка продукција и промотивен материјал, се претстави НУ-УБ ,,Гоце Делчев” на Саемот на книга во Скопје - истакна Милена Ристова Михајловска, дир. на НУ УБ „Г.Делчев“ – Штип.

saem sk2

Презентацијата побуди голем интерес кај публиката.На Саемот, беа афирмирани штипски автори преку самопромоција на свои стихови и цитати од дела и подарување на лични книги за читателите. Младата поетеса и ликовен уметник, Анастасија Петрова која има две збирки поезија, Ирена Парчеклиева со два романа и со само 17 години, Миланчо Милeнковски со една збирка поезија и научно-истражувачка дисертација во печат, Цвета Спасикова со над 20 објавени книги и Благица Ефремова со 5 книги поезија за деца, беа претставени на овогодинешниот Саем на книга.

saem sk3

Со претставувањето на Саемот на книгата, библиотеките од регионот покажаа дека не се само депоа каде книгите се чуваат, туку и места каде истите се пишуваат, се создава нова уметност која понатаму се пренесува на сите нови генерации читатели.

Во текот на месец Април, НУ-УБ „Гоце Делчев“ ќе се промовира со многу настани. Месецот на книгата и авторските права, штипската библиотека ќе го одбележи со низа активности. Ќе започне со свое претставување на Саемот на книгата :

-Ќе учествуваме на форум каде ќе имаме презентација на тема „Иновативни активности и инфраструктурни проекти во Штипската библиотека“, а ќе ги презентираме и проектните активности од „Ноќ со Андерен“ за 2015 и 2016 година, истакна Милена Ристова Михајловска, дир. на НУ УБ „Г.Делчев“ – Штип.

promocija1

Штипската библиотека е единствена во државата која се вклучува во светското одбележување на роденденот на најпознатиот автор за деца Ханс Кристијан Андерсен:

- Ова е еден креативен начин да ги поттикнеме најмладите да читаат, но и д аукажеме на значењето на литературата за деца, кажа Соња Манева, библиотекар.

anders3

Дел од априлската програма е и меѓуопштинскиот конкурс за песна и краток расказ:

- Оваа година темата е „Велигден низ моите очи“ . Конкурсот трае до 20 април, а право на учество имаат сите жители од Штип и Карбинци, рече Жаклина Петрушева библиотекар.Дел од активностите на библиотеката се поддржани од Министерството за култура, дел се сопствена програма на библиотеката.

НУ-УБ „Гоце Делчев“ ја спроведе активноста „Ноќ со Андерсен“, кој четврта година по ред се одржува во Библиотеката во Штип, во чест на раѓањето на големиот раскажувач на детски бајки, а воедно и по повод Светскиот ден на литературата за деца.

anders2 anders3

Проектот е поддржан од Министерството за култура на Р. М. Се реализира во соработка со основните училишта во Штип и Одделението за образование при Општина Штип. Координатор и автор на проектот е Вилма Јованова.

anders4

anders5

Националната установа универзитетска - Библиотека „Гоце Делчев" - Штип,  додели признанија на основните и средни училишта во Штип и Карбинци, во рамките на манифестацијата „Од читалиште до библиотека", а која е дел од прославата 70 години од постоењето на библиотеката.

одбелезуванје2

Директорката на НУУБ „Гоце Делчев" - Штип, Милена Ристова-Михајловска, истакна дека со оваа манифестација сакаат да им оддадат признание на учениците и наставниците, кои учествуваат во сите проектни активности на библиотеката.

одбелезуванје4

- Во текот на 2016 година реализиравме голем број на проекти поддржани од Министерството за култура, а надвор од тоа плус стотина афирмативни активности, со цел доближување на книгата на сите групи на читатели, вели Ристова-Михајловска.

Советникот за општествени дејности во Општина Штип, Кирил Панајотов, вели дека 70 години од постоењето на библиотеката е јубилеј достоен за почит.

одбелезуванје5

- Во оваа прилика се потсетуваме и на почетоците на библиотекарството во Штип, зборуваме за првото читалиште, кое во 1862 година Штип го добива во рамките на своето неделно училишта, а потоа прераснувајќи и создавајќи услови за присуството на книгата во нашиот град, вели Панајотов.

За успешен крај на годината штипската библиотека „Гоце Делчев“ ги награди најредовните читатели.Слободното време секогаш е добро искористено, кога покрај себе имаш добра книга. Највозрасните читатели и покрај тоа што работниот век го поминале во читање на стручна литература, таа љубов кон книгата ја продолживаат со читање на различни жанрови.

-Овој ден е посветен на нашите ценети читатели, консументи на духовната храна од библиотеката, книгата, да им оддадеме едно признание, една благодарност, за тоа што се постојано тука со нас и се дружат со книгата, изјави Соња Манева, библиотекар.

citateli1

Наградите беа поделени на најверните читатели во детско, возрасно и академско одделение. Кај децата, награди беа поделени од прво до деветто одделение, а кај возрасните во категориите пензионери, вработени и ученици.

- По заминувањето во пензија најдов задоволство во читањето на книги, имам многу книги прочитано, некаде преку 200, секоја книга е посебна за себе, навистина книгата е најдобар другар и пријател на човекот, изјави Софија Димкова, добитник на награда.

citateli2

Наставничката работа изгледа не влече кон читањето, ете и јас сум професор од гимназијата во пензија, со читањето не сум од пензионирањето, читам уште од детството, изјави Зорица Атанасова, добитник на награда.

Освен пензионери, беа наградени и студенти, а добитник на овогодинешната награда за студенти е Тургај Деде од Турција.Годинава имаше и награда за штипско семејство кое прочитало најмногу книги.

citateli3

Со овие симболични награди штипската библиотека има за цел да ги мотивира и поттикне штипјани да читаат повеќе, како би се стекнале со поголемо знаење, но и духовно богатство на личноста.

Освен слободна литература библиотеката има на располагање и голем избор и на стручна литература.Штипската библиотека им нуди и семејни пакети на редовните читатели. Семејството Младенови се едни од нив.За време на новогодишните и божиќните празници, па се до први февруари штпската библиотека нема да работи во сабота.