21 Февруари - Меѓународен ден на мајчиниот јазик, библиотеката во сорабтка со Филолошкиот факултет при УГД - Штип го одбележа со предавање и книжевно-јазична работилница на тема „Јазикот -корен на книжевноста. Мајчиниот јазик -аманет за поколенијата“.
Учесници во работилницата беа ученици од 9 одделение од ООУ „Ванчо Прке“ со професорката Јорданка Тодорова и средношколци четврта година од СОУ „Славчо Стојменски “со професорката Маријана Василева, членови на Академија „Еуроарт“. Асистенти во реализација на настанот беа студенти од Катедрата за македонски јазик и книжевност Верица Милорадова, Ване Дериволов и Катерина Тасева и Катедрата по германски јазик и книжевност Меги Димова.
Пред присутните учесници се обратија директорот на библиотеката Тодор Џидров, деканката на Филолошкиот факултет д-р Драгана Кузмановска и библиотекарката Соња Манева која истакна дека библиотеката ја негува лингвистичката и културната различност и мултилингвизмот со тоа што во својот фонд има литература не само на македонски јазик туку и на голем број други јазици.
Предавачи кои ги запознаа учениците и студентите со корените на македонскиот јазик и неговата правилна употреба и говорење, за потребата од негово чување и негување беа д-р Милена Ристова - Михајловска и д-р Ана Витанова -Рингачева.
Изучувањето на мајчиниот јазик започнува во семејството а потоа се надградува и усовршува во воспитно-образовниот процес., а имајќи предвид дека библиотеката е и воспитно -образовна установа, нашето делување секогаш е во насока на подигање на квалитетот на тој процес.
Настанот е во рамки на проектот „Француски учиме, македонски читаме-култура спојуваме и развиваме“од областа на европски интеграции а финансиски подржан од Министерството за култура на С.Македонија.