Лето во библиотека - бидејќи и библиотеките се забавни! Вчера во соработка со Американското катче од Штип, организиравме работилница за нашите најмлади читатели!
Библиотеката продолжува да работи на популаризација на книгата и читањето од најмала возраст со примена на нови форми и методи што се прифатливи за нивната возраст, причинувајќи им задоволство и воодушевување преку игра и забава! Преку интересни приказни имаа можност да научат како се чуваат книгите, како настанува една сликовница, се забавуваа со пикадо и игра со обрачот, а потоа се сместија во удобните вреќи за седење и одгледаа приказни на англиски јазик.
За крај, имаа извонредна прилика да добијат МОЈА ПРВА ЧЛЕНСКА КАРТА бидејќи за предшколци членството е бесплатно!