Оваа година поради пандемијата, 2 Април- Светскиот ден на книгата за деца кој се одбележува во чест на раѓањето на најпознатиот раскажувач на бајки Ханс К. Андерсен го одбележавме на еден поинаков начин, со читање на бајки на отворено на учениците од 1-3 одд. во ООУ„Славејко Арсов“ и ООУ „Димитар Влахов“ се со цел да ја истакнеме и потенцираме важноста на овој вид на литература.
Од страна на Соња Манева - библиотекар учениците беа запознати со значењето на овој датум, за значењето на книгата и читењето во нивниот ментален развој и формирање на нивната личност. Книгата е таа која ги дружи, им пружа љубов и им дава знаење па затоа е потребено секојдневно да бидете присутна во нивниот живот.
Овој пат се одлучивме за Бајките од Македонија, а пред присутните ученици ги прочитаа книжевно-литературните креативци при Акедемијата „Еуроарт“ и тоа Верица Милорадова, Ребека Спасова и Милена Милорадова.